http://www.hjalli.is/hraunborgSkólafrétttirhttp://www.hjalli.is/hraunborg/?nhid=1249Tue, 8 May 2012 15:27:30 +0000Við eigum svo frábæra foreldra hér í Hraunborg! Það eru ekki vandræði að fá þau til að bregðast við þegar kemur að foreldraframlögum af ýmsu tagi eins og hefur komið fram hér á heimasíðunni okkar. Það hljóp heldur betur á snærið hjá okkur þegar einn frábær tveggja barna faðir bauð okkur að kíkja til hans á verkstæðið sitt þar sem hann töfrar fram uppstoppaða fugla af ýmsum gerðum og stærðum Þetta er hann Sveinbjörn sem á tvo yndislega drengi í leikskólanum okkar. Hann er uppstoppari og hefur sett upp flott verkstæði rétt hjá Bifröst þar sem ýmsir furðufuglar eru settir í stellingar til frambúðar þar sem ólíklegt er að þeir valdi nokkru fjaðrafoki framar. Það er merkilegt að fá að skoða og kynnast þess konar starfsemi, það eru nú svo sannarlega ekki uppstopparar á hverri þúfu svo við vorum mjög glöð að "grípa gæsina" á meðan hún gafst, það voru nú reyndar nokkrar fuglategundir þarna en líklega var gæsin bara í orðatiltækinu en ekki á borði í þetta sinn ;0) Það er ekki nóg að kunna að skera kvekindið upp og troða inn í það þar til gerðu tróði eða stoppi, heldur þarf listamaðurinn að þekkja tegundirnar vel og hegðun þeirra og sérkenni til að ná fram fallegu og áhugaverðu handverki...... Börnin af gula kjarna fóru í heimsókn einn daginn .... ....... og börnin af rauða kjarna daginn eftir. ..... þetta þótti okkur allt saman ótrúlega spennandi og fróðlegt. Það er nú ekki á hverjum degi sem þau fá að klappa lunda og skoða hann í návígi. Það vantaði ekki áhugann og pælingarnar. En Sveinbjörn lumar nú ekki bara á uppstoppuðu fiðurfé heldur hefur hann komið sér upp flottum dúfnakofa líka þar sem hann heldur nokkrar fallegar kurrandi dúfur. Þangað fengum við að storma líka og sjá ....... ...... og snerta lifandi dúfur sem létu sér fátt um finnast þrátt fyrir allt káfið :) Þau kíktu líka inn í kofann og þetta voru nú meiri ævintýraferðirnar. Elsku Sveinbjörn, við sendum þér okkar innilegustu þakkir fyrir að bjóða okkur upp á slík forréttindi að fá að kynnast þessum heillandi heimi sem verkstæðið þitt og dúfnakofinn eru. Með bestu kveðju Börnin og kennararnir á gula og rauða kjarna í Hraunborg. ]]>http://www.hjalli.is/hraunborg/?nhid=1247Thu, 26 Apr 2012 09:42:58 +0000Það er lokað hjá okkur í Hraunborg frá og með mánudeginum 2.júlí og svo opnum við aftur með bros á vör mánudaginn 30.júlí.]]>http://www.hjalli.is/hraunborg/?nhid=1246Thu, 26 Apr 2012 09:31:59 +0000Börnin á Rauðakjarna voru að vinna að skemmtilegu umhverfis verkefni. Þau týndu rusl í umhverfinu okkar og bjuggu til svakalega flott ruslaskrímsli, útkoman var Eddi ruslaskrímsli. Börnin gáfu svo Háskólanum þetta glæsilega 2.metra skúlptúr sem gleður núna gesti og gangandi í Hákólanum á Bifröst.]]>http://www.hjalli.is/hraunborg/?nhid=1243Fri, 20 Apr 2012 12:45:40 +0000Nú er sjötta og síðasta lota skólaársins hafin og ber hún yfirskriftina áræðni; kjarkur, kraftur, virkni og frumkvæði. Hópatímarnir næstu vikurnar munu því einkennast af verkefnum sem styðja við þessa þætti. Það munu vera verkefni bæði úti og inni sem reyna á áræðni hugans eða kraft líkamans, kjark til framkvæmda og áræðni til að reyna ótroðnar slóðir. Umfram allt þá er gleði ríkjandi í þessum hópatímum og samkennd er ríkjandi eins í góðra vina hópi þegar verið er að kanna nýjar slóðir.   (10. 4. 2012) ]]>http://www.hjalli.is/hraunborg/?nhid=1242Fri, 20 Apr 2012 12:40:58 +0000Framundan eru kátir og skemmtilegir sumardagar í öllum skólunum okkar. Þegar hlýnar í lofti taka við það sem börnin kalla "peysudaga" þótt fullorðnum, sem fara sér oft hægar útivið en orkumiklir krakkar, finnist helst til svalt fyrir peysuna.Það er gaman að segja frá því að árið 1921 var sumardagurinn fyrsti gerður að stuðningsdegi fyrir börn í Reykjavík og eftir það oft nefndur barnadagurinn en víða eru einhverjar skemmtanir haldnar þennan dag til að fagna sumri. Þá var húslestur algengur á árum áður á sumardaginn fyrsta og víða messa og sumsstaðar lifir sú hefð enn ásamt skrúðgöngum.Nú vonumst við bara til að sumar og vetur frjósi saman enda veit það á gott sumar. Við óskum ykkur öllum gleðilegs sumars!]]>http://www.hjalli.is/hraunborg/?nhid=1241Fri, 20 Apr 2012 12:14:00 +0000Foreldraviðtöl verða hjá okkur í Hraunborg vikuna 30.apríl-4.maí. Viku seinna enn við auglýstum á skóladagatalinu okkar. 30. apríl/mán á Bláakjarna. 2.maí/mið á Græna. 3.maí/fim Rauði. 4.maí/föst Guli. Við hengjum upp í næstu viku skráningalista á tímasetningar. Hlökkum til að hitta ykkur kæru foreldrar í góðu spjalli um gullmolana ykkar/okkar.]]>http://www.hjalli.is/hraunborg/?nhid=1239Tue, 17 Apr 2012 19:26:26 +0000Við fjórtán kennarar leikskólans Hraunborgar á Bifröst lögðum upp í ferð til New York borgar vikuna fyrir páska.  Það var eftirvænting í hugum okkar þar sem við höfðum planað fjórar ólíkar heimsóknir á mismunandi staði, þar sem við væntum þess að kynnast einhverju sem er ólíkt því sem við eigum að venjast í okkar starfi og umhverfi.  Heimsókn til sérkennara í fyrstu bekkjum grunnskóla: Fyrsta heimsóknin var mjög skemmtileg auk þess að vera fróðleg og upplýsandi.  Við fengum heimboð inn á heimili á Long Island, NY þar sem fjögurra manna fjölskylda býr.  Ein úr hópnum bjó hjá þessari fjölskyldu fyrir nokkrum árum og gætti bús og barna.  Móðirin hún Maureen Kennedy er sérkennari  í einkareknum grunnskóla og hélt hún kynningu fyrir okkur þar sem hún sýndi okkur námsefni sem hún notar, bækur tölvuforrit o.fl.  Einnig hvernig kennslufyrirkomulagið er, en  hún vinnur ávallt með nokkrum börnum í einu með allskyns greiningar s.s. A.D.H.D, einhverfu o.fl. sem og börnum innflytjenda sem eru ekki enskumælandi og búa mörg ekki við góðan bakgrunn heima fyrir.  Það var sérstaklega áhugavert að heyra hvernig hún notar tölvur í þessu starfi þar sem hún lætur börnin snúa baki í sig svo hún sjái á skjáinn hjá þeim þar sem þau læra að lesa og skrifa frá grunni í gegn um leiki í tölvunni.   Börnin taka stöðupróf eftir annirnar sem skera úr um hvort þau halda áfram á næsta stig eða endurtaka „kúrsana" þar til þau hafa náð góðum tökum á þeim.  Það var áhugavert að heyra það sjónarmið hjá henni að það getur verið eftirsóknarvert fyrir börnin að taka kúrsinn/bekkinn aftur þar sem þau búa þá yfir forskoti miðað við börnin sem eru að koma ný inn og það auki sjálfstraust þeirra.  Þetta er viðhorf sem virðist oft verða undir í okkar skólakerfi þar sem ákveðin viðkvæmni fyrir því að börn séu „stimpluð" og það sé niðurlæging fyrir þau að endurtaka bekki eða seinka því að færast yfir á næsta stig.  Það er spurning hvort við kennarar þurfum að breyta viðhorfum okkar til þess að geta fært fagleg rök fyrir kostum þess fyrir börnin,  sem annars eiga mögulega á hættu að fara í gegn um skólakerfið án þess að byggður sé nægilega traustur grunnur undir framhaldið sem verður svo jafnvel til þess að þau flosna upp í náminu seinna í skólagöngunni  og þörf verður fyrir ýmis úrræði sem hafa meiri áhrif á börnin heldur en ef brugðist er við strax í byrjun.  Einnig svaraði  hún ýmsum spurningum varðandi kennaranám, launakjör o.fl. í þarlendu skólakerfi.  Heimsókn í  Children´s museum of Manhattan: Önnur heimsóknin okkar var í þetta stórskemmtilega safn sem byggt er upp eins og nafnið gefur til kynna, sem fræðslusafn fyrir börn.  En tilgangur safnsins er að vera áfangastaður og ákveðið „úrræði" þar sem fjölskyldur með ólíkan bakgrunn geta komið til að læra, leika og vaxa saman.  Það er ekki vafi að sá metnaður sem lagður er í það markmið, skilar sér til þess að hjálpa fólki í að undirbúa börn undir það að ná árangri í skólagöngu, hjálpa fjölskyldum að læra um heilbrigt líferni og hlúa að nýjum kynslóðum sem skapandi heimsborgurum.  Á hverju ári fara fleiri en 350.000 fjölskyldur í gegn um safnið og skoða byltingarkenndar sýningar.  það er algengt að foreldrar, barnfóstrur og kennarar leikskólabarna komi í þetta safn með börnin sem geta leikið sér og gert alls kyns tilraunir og fengið fræðslu um ýmis áhugaverð atriði sem tengjast bernskuskeiðinu.  Þau sem standa að safninu telja að börn læri best í gegn um uppeldi, skapandi umhverfi sem ýtir undir ímyndun, forvitni og uppgötvun.  Áhersla er á tungumál/málþroska, vísindi sem börnum er í blóð borin, stærðfræði og hugvísindi.  Safnið leggur metnað í að ýta undir andlega, tilfinningalega, líkamlega og félagslega færni barna sem þau þurfa til þess að geta vaxið og dafnað eðlilega.  Uppsetning safnsins er áhugaverð,  uppi á veggjum er ýmiskonar fræðsla sem höfðar meira til fullorðna fólksins heldur en barnanna og þá gjarnan staðsett þar sem góður tími gefst til að lesa og íhuga þar sem börnin hafa skemmtileg viðfangsefni til að fást við á meðan.  Á sýningunni sem er uppi í safninu núna er t.d. fræðsla um hvað gerist í líkamanum á meðan við sofum, hvernig ónæmiskerfi líkamans byggist upp við hvíld og líffræðilegur þroski fer fram.  Einnig var spjald um mikilvægi góðrar rútínu í lífi barna s.s. varðandi háttatíma o.fl. sem oft vefst fyrir foreldrum og öðrum sem annast ung börn.  Setningar eins og: „because play is the natural way children learn.  You will be amazed at what the youngest of children can do."  Á öðru spjaldi stóð: „Each child learns differently; celebrate how your child learns."  Spjöld með myndum af börnum að leik ásamt texta sem fræðir um hvað barnið er að læra t.d. þegar það leikur sér að litum, ásamt tilvitnunum í orð barna þegar þau eru niðursokkin í leikinn.  Þetta er fræðsla sem höfðar til barnanna en  leggur ekki síður áherslu á mikilvægi ýmiskonar áhrifa á vöxt og þroska barna sem öruggt er að margir búa ekki endilega yfir þekkingu á.  Þetta er mjög skemmtilegt safn þar sem auðvelt er að gleyma sér í faglegum pælingum sem fá enn sterkari merkingu þar sem börn á öllum aldri eru niðursokkin í athafnir og upplifun sem undirstrika það sem komið er á framfæri.  Það er alltaf lærdómsríkast að fylgjast með börnunum og lesa í athafnir þeirra og upplifun.  Það væri auðvelt að skrifa miklu meira um þessa heimsókn en við mælum með heimsóknum þangað og það er hægt að skoða heimasíðu safnsins og fræðast um það: http://www.cmom.org/explore/cmom_philosophy   American Museum of Natural History Þriðja heimsóknin sem við fórum í var í þetta fræga merkilega sögusafn sem margir kannast við úr kvikmyndinni Night at the museum.  þetta er risastórt safn sem inniheldur margar mjög heillandi deildir sem auðvelt er að gleyma sér við að vafra um og fræðast um söguna, lífshætti, þróun lífs manna og skepna og ótalmargt fleira.  Það er ekki spurning að það er frábært að fara með börn í slíkt safn og að það er hægt að fara margar ferðir og uppgötva sífellt eitthvað nýtt og spennandi í sögunni.  Það var sérstaklega gaman að skoða beinagrindur fornskepnanna og taka myndir af þeim sem við höfum nú þegar sýnt börnunum í leikskólanum og heyrðust upphrópanir og undrunartónn og þau tjáðu sig af ákafa um það sem þau hafa lært um risaeðlur og önnur fornaldardýr.  Þeim þótti ekki síður merkilegt en okkur að við skyldum hafa fengið að vafra um og berja söguna augum.   Það eru líka myndir af ættflokkum indíána og ýmsu sem tilheyrir menningarsögu þeirra o.fl. o.fl.   Slík ferð í jafn merkilegt safn vekur upp margar hugmyndir að hópastarfi með börnunum hvernig hægt er að fræðast um menningarsögu jarðarbúa frá byrjun til okkar daga.  Verst að hafa takmarkaðan tíma J. http://www.amnh.org/   Montessorileikskólinn Twinparks í New York Fjórða heimsóknin sem við fórum í, var í þennan leikskóla sem starfar eftir hugmyndafræði Montessori .  Það var vel tekið á móti okkur og leikskólastjórinn fór yfir sögu skólans, hugmyndafræðina og ýmis praktísk atriði.  Það er óhætt að segja að strax við útidyr skólans fundum við hversu ólíkt starfsumhverfi þeirra er okkar umhverfi.  Allir sem erindi eiga inn í skólann þar með talið foreldrar sem eru að koma með börnin sín í skólann, þurfa að hringja bjöllu og gera grein fyrir sér og hverjum og einum er hleypt inn af ákveðnum starfsmönnum.  Mikil kyrrð og ró einkenndi umhverfið og er það innbyggt í stefnuna.  Okkur þótti merkilegt að heyra og sjá að hver deild leiksólans er ekki nærri eins fjölmenn og gengur og gerist hér á landi, þ.e. hver barnahópur má ekki vera stærri en 12 – 15 börn og þrír kennarar.  Á einni yngri deild sem við heimsóttum voru t.d. 8 börn á aldrinum 2-3 ára og tveir kennarar.  Lög og reglugerðir leyfa ekki undantekningar frá þessum fjölda barna á starfsmann.  Deildarnar eru ekki stórar eitt herbergi sem deilt er niður með hillum og öðrum húsgögnum.  Við fengum að fara inn á deildarnar tvær til þrjár á hverja deild, en máttum ekki trufla börnin né starfsfólkið á neinn hátt, eingöngu sitja á stólum sem dreift var um stofuna trúlega til að koma í veg fyrir kennaramas J.  Börnin og kennararnir kipptu sér ekki mikið upp við komu okkar og héldu sínu striki í leik og öðrum athöfnum.  Í Montessoristefnunni er byggt á því að börnin læri sjálf en ekki að kennarinn kenni.  Börnin vinna/leika sér ein eða í minni hópum sem þau móta sjálf.  Það eru mjög fáar kennslustundir þar sem allur hópurinn er saman í verkefnum/athöfnum.  Hlutverk kennarans er að skapa aðstæður og efnivið sem hvetur börnin til rannsókna, leikja og athafna þar sem þau endurtaka sama leikinn jafnvel aftur og aftur í langan tíma þar til þau hafa náð fullkominni leikni í viðfangsefninu sem þau kenna þá gjarnan sér yngri börnum eða reynsluminni.  Þróuð hafa verið ákveðin leikföng/leikefni sem liggja frammi í hillum og börnin sækja sér það sem þau vilja, þegar þau vilja, fást við það eins lengi og þau vilja og ganga svo frá og ná sér í ný viðfangsefni þegar þau vilja.  Börnin læra ákveðnar umgengnisreglur í byrjun sem þau þurfa að tileinka sér, s.s. kennarar og börn tala í hálfum hljóðum, gengið er um en ekki hlaupið eða anað áfram, þau þurfa að ganga frá t.d. stólum, leikföngum og öðru sem þau nota strax eftir notkun, þau nota mottur á gólfinu til að afmarka sér leiksvæði fyrir sitt dót og trufla ekki önnur börn og virða svæði hvers annars.  Börnin eru hvött til að leysa úr málum á friðsælan hátt, virða sínar eigin og annarra mörk, t.d. ef barn spyr annað hvort það vilji leika og hitt barnið er ekki í skapi til þess af einhverjum ástæðum verður það sem spurði að virða það og hverfa frá.  T.d. spurði lítil stúlka A. vinkonu sína B. hvort hún vildi leika, nei svaraði B., af hverju ekki? Spurði A. Af því að ég elska sjálfa mig svo mikið svaraði B J, og A. varð frá að hverfa. Það er alveg ljóst að það er ólíkt starfsumhverfi í New York borg og hér heima ekki eingöngu vegna stefnu eða uppeldisstrauma heldur vegna menningar, laga og reglugerða, menntunarkrafna, launakjara o.fl. o.fl. þátta sem of langt mál er að rekja hér. Við gætum trúlega lært ýmislegt af þeim en auðvitað væri líka margt sem þau gætu lært af okkur.  Ef ykkur langar til að kynna ykkur starfsemi skólans sem við heimsóttum getið þið kíkt inn á heimasíðu þeirra:  http://www.twinparks.org/ Þetta var í alla staði fróðleg skemmtileg og gangleg ferð til New York borgar, ástæða þess að við völdum að fara þangað var m.a. að fara í umhverfi sem væri nógu ólíkt því sem við eigum að venjast hér heima í skólamálum.  Við komumst að því að margt er ekki endilega svo ólíkt, margt er ekki endilega betra eða verra en hjá okkur heldur bara aðeins öðruvísi.  Við fengum margar góðar hugmyndir og hópurinn kom heim glaður, þreyttur eftir mikla dagskrá og við erum mjög sáttar við val okkar á heimsóknum.  Kveðja Kennarar í Hjallastefnuleikskólanum Hraunborg á Bifröst  ]]>http://www.hjalli.is/hraunborg/?nhid=859Tue, 20 Mar 2012 00:59:36 +0000Skólafötin okkarÍ Hjallastefnuskólum eru notuð skólaföt. Skólafötin eru þjál og þægileg og skapa liðsheild meðal barnanna en gefa þeim þó jafnframt rými til þess að skapa sér sérstöðu þar sem í boði er nokkurt úrval af fötum. Fatakaupin fara fram hjá skólastjóra hvers skóla og greiðslum má haga eins og foreldrum hentar best; staðgreiða eða bæta þeim á gjöldin og það er líka í boði að dreifa greiðslunum á nokkra mánuði.]]>http://www.hjalli.is/hraunborg/?nhid=1218Thu, 15 Mar 2012 11:35:32 +0000 Hjallastefnukennarar eru alltaf í leit að lausnum til að auðga skólastarfið með einum eða öðrum hætti. Eitt af því sem við höfum verið að prófa okkur áfram með er mismunandi leikefni fyrir ólíkan aldur barna. Á dögunum fengu yngri kjarnar leikskólanna í notkun frauðkubba í stað hefðbundnu trékubbanna, einingakubba eða Fröbelskubba, sem hafa verið í notkun á öllum kjörnum til þesssa.Frauðkubbarnir eru vitaskuld mikið léttari en trékubbarnir og svo eru þeir líka stærri sem er ósköp gott fyrir litlar hendur og gerir þeim auðveldara fyrir að byggja traustar byggingar en fyrstu byggingar barna úr kubbum eru leikur að jafnvægi. Börnin stafla kubbunum upp þar til þeir detta og nú með nýju kubbunum eru allir öruggir um að meiða sig ekki auk þess sem enginn hávaði skapast þegar byggingarnar detta... nema ef væri einstöku andvarp frá vonsviknum byggingarmeisturum sem þó undantekningalaust halda ótrauðir áfram!  ]]>http://www.hjalli.is/hraunborg/?nhid=1202Fri, 17 Feb 2012 18:35:29 +0000Þetta er hann Shan pabbi hans Spencer en hann var svo elskulegur að taka að sér enskukennslu í Hraunborg þessa önn. Hann nær vel til barnanna enda er hann mjög brosmildur og kátur. Börnin hafa gaman af að syngja, dansa og leika með honum, enda er í heiðri höfð sú staðreynd í þessari kennslu eins og annarri í leikskólum að leikurinn er helsta námsleið ungra barna. ]]>