Margrét Pála er stofnandi Hjallastefnunnar.og stjórnarformaður Hjallastefnunnar.  Hún hefur áratuga reynslu af leik- og grunnskólastjórnun, námskeiðshaldi og kennslu og er höfundur Hjallastefnunnar. Hún útskrifaðist frá Fósturskóla Íslands 1981, lauk diplóma í stjórnun frá sama skóla árið 1996, meistaragráðu í uppeldis- og kennslufræðum frá Kennaraháskóla Íslands árið 2000 og MBA gráðu frá Háskólanum í Reykjavík árið 2011.

Matthías hefur langa reynslu af verkefnum í skólakerfinu. Hann tók þátt frá upphafi í uppbyggingu Hjallastefnunnar ehf. sem kennari, skólasálfræðingur, skólastjóri og sem verkefnastjóri á miðlægri skrifstofu fyrirtækisins. Hann hefur einnig starfað og kennt við Kennaraháskóla Íslands, Háskóla Íslands og við Háskólann á Akureyri auk kennslu í almennum grunnskólum og í framhaldsskóla. Matthías starfar nú sem sálfræðingur hjá velferðarþjónustu Reykjavíkurborgar.

Margrét  er skólastjóri og eigandi Tjarnarskóla sem hún setti á stofn árið 1985 í samstarfi við Maríu Sólveigu Héðinsdóttur. Hún var stofnaðili og stjórnarmaður í Samtökum sjálfstæðra skóla þar sem hún sat í fyrstu stjórn samtakanna. Margrét hefur áratuga reynslu af skólastarfi og þá sérstaklega af starfi sjálfstæðra skóla.